16 мартыште Марий Элым вуйлатыше Александр Евстифеев Россий Федераций правительствын председательже Михаил Мишустинын республикыш визит дене толшашыжлан ямдылалтме шот дене республикым социально-экономически вияҥдыме да моло организационный йодыш-влак шумлык пашаче совещанийым эртарен.
Совещаний республикын Антикризисный рӱдерыштыже лийын. Шушаш тӱҥ совещаний лач тушто эртышаш. Элын премьер-министржын вуйлатыме федеральный правительстве, национальный ден кугыжаныш программе-влакын направленийыштым шотыш налын, экономикын тӱрлӧ секторыштыжо палемдыме ятыр проектым илышыш пурташ республикын ямде улмыжым аклаш тӱҥалеш.
Республикын проектше-влак изи ден кокла кугытан предпринимательствым вияҥдышашлан кумылым савырыше условийым ыштымашке, транспорт инфраструктурым саемдымашке да вияҥдымашке, илыме вер ден коммунальный озанлыкын инфраструктурыжым уэмдымашке, инвестиционный проект-влакым шукташ кундемыште келшыше условийым ыштымашке виктаралтыныт. Республикысе кучем чыла тидыжым 2020-2024 ийлаште Марий Эл Республикым социально-экономически вияҥдыме индивидуальный программе дене келшышын илышыш шыҥдарышаш.
Тыге промышленностьым вияҥдыме региональный фондым ышташ палемдалтеш. Тудыжо предприятий-влакын кундемын экономикыжым вияҥдымашке виктаралтше инвестиционный проектыштым илышыш шыҥдараш полшымашке виктаралтшаш.
Кугу уна-влаклан тыгак ялозанлык продукцийым, сырьём да кочкышым ыштен налме пашам кумылаҥдыме, Волжский рӱдӧ горбольницын азам ыштыме пєлкажын зданийжым чоҥымо, чоҥен шуктыдымо объект-влакым шагалемдыме ужашыште мероприятийла, «Йошкар-Ола» аэропортым, республиканский автовокзалым, Козьмодемьянск оласе эҥер портым умбакыже уэмдыме, Йошкар-Оласе ятыр микрорайонышто инженерный инфраструктурым саемдыме дене кылдалтше проект-влакым ончыктат.
Тылеч посна Марий Элыште коммунальный инфраструктурын 60 процент деч утларак тӱганен шушо объектше-влакым уэмдыме программе шотышто Россий Минстройын проектшым илышыш шыҥдараш палемдыме. Тиде программыште участвоватлышашлан Козьмодемьянск олам ойырен налме. 5 мартыште Российын строительстве да ЖКХ министрже, республикын кураторжо Владимир Якушев ден Марий Элым вуйлатыше Александр Евстифеевын вашлиймаштышт тиде проектым сайын аралыме. Тиде проектым илышыш шыҥдарымаш 460 миллион утла теҥгеаш пайдам пуышаш.
Марий Эл Республикым вуйлатышын
организаций да аналитике виктемжын
уверже негызеш П.Шакиров ямдылен
