19 февральыште Оршанке посёлкышто «Кугезе вож» фольклор фестиваль эртаралтеш.
Тушко йоча да самырык-влакын фольклор коллективышт, театр студийышт да Волжский, Курыкмарий, Звенигово, Кужэҥер, Марий Турек, Медведево, Морко, У Торъял, Шернур, Советский, Оршканке районла гыч школлаште тунемше-влак ушнат. Нуно тӱрлӧ пайрем, йӱла дене кылдалтше программе, калык муро ден куштымаш, семӱзгар сем ден шымлыме паша-влакым ончаш да аклаш луктыт. Участник-влакын пашаштым жюри икмыняр номинацийыште акла: «Эн сай сценарий», «Эн сай возымо паша», «Сценыште ончыктымо эн сай программе», «Фольклор произведенийым эн сайын ончыктышо».
Сеҥыше-влак лауреат ден дипломант лӱм дене палемдалтыт, а эн сай возымо паша ден конкурслык сценарий-влак сборникыште савыкталтыт.
А.БАЙКОВА
