Йошкар-Олаште 18 майыште «Бауманский» лицейыште почмо омса кече лиеш.
Мероприятий 14 шагатлан тӱҥалеш.Тушко 9-ше класслаште тунемше да журналист лияш шонышо республикысе чыла школла гыч тунемше-влакым да нунын ача-аваштым ӱжыт.
Тений у тунемме ийыште лицейыште медиа-классым чумырат. Тиде журналист классыш марла мутланыше йоча-влакымат вучат.
Икшыве-шамычым яра туныктат, илыме верым ойырат. Практикым тунемше-влак газет, журнал, ТВ ден радио редакцийлаште эртат.
Медиа-классыш (10-шо класс) тунемаш пураш кумылан-шамычлан усталык конкурс лиеш.
Лицейын адресше тыгай: Йошкар-Ола,Машиностроитель урем, 44-ше а номеран пӧрт.
С.Пехметован фотожо.
