нацпроект ОБРАЗОВАНИЙ УВЕР ЙОГЫН

«Земский туныктышо»

                                  

Марий Элыште «Земский туныктышо» федеральный программыш ушнаш кумылан-влак деч йодмашым налаш тӱҥалыныт.

Ушештарена, тымарте тиде мероприятий «Образований» национальный проект кышкарыште эртаралтын. Россий Федераций президент Владимир Путинын кӱштымашыже почеш 2025 ий гыч тудым «Молодёжь да йоча-влак» нацпроектын «Туныктышо ден наставник-влак» федеральный программыш пуртымо да 2030 ий марте шуйымо.

Марий Элыштына «Земский туныктышо» программе 2020 ий гыч илышыш пурталтеш. 2025 ийлан 9 квотым ойырымо.

Российын у регионлаштыже, тыгак Мӱндыр Эрвел федеральный округышто верланыше ял ден селаш, пашазе посёлкыш, ола шотан посёлкыш да 50 000 деч шагал чотан олаш туныкташ кайыше педагоглан единовременный выплатын кугытшо кок миллион тенге гын, элнан моло субъектыштыже – ик миллион.

Йодмашым тений 15 апрель марте пуаш пуаш лиеш. Туныктышо-влакын вакансийышт нерген уверым программын официальный сайтыштыже (http://zemteacher.apkpro.ru/) пален налаш лиеш. Марий Элыштына тудын регионысо операторжылан Марий образований институт шотлалтеш.

Палашлан, кызыт Российыште ял ден селалаште чылаже 375 тужем туныктышо тырша, тидыже чыла чот гыч 35 процент лиеш.

Единовременный выплате деч посна ялысе школышто пашам ыштыше педагог-влаклан социальный могырым ешартыш полыш (илыме вер да коммунал озанлык услугылан роскотым петыраш компенсаций, илыме вер) пуалтеш.

Г.Кожевникова

Фотом Марий Эл Образований да науко министерствын сайтше гыч налме

Опубликовать в Одноклассники

Добавить комментарий