Марий Элыште «Земский туныктышо» программыш ушнаш йодмашым тений 14 ноябрь марте пуаш лиеш.
2025 ий 1 январь гыч программе «Молодёжь да йоча-влак» национальный проектыш пурталтын. Тудын дене келшышын ялыш, селаш, пашазе посёлкыш, ола шотан посёлкыш але 50 тӱжем еҥ марте чотан олаш илаш куснышо да илыме верже деч 50 километр тораште верланыше школыш пашаш пурышо туныктышылан ик миллион теҥге кугытан единовременный выплате пуалтеш.
Ушештарена, Марий Элым вуйлатыше Юрий Зайцевын решенийже почеш тиде условийыш вашталтышым пуртымо: илыме вер ден паша вер кокласе кужытым 25 километр марте шагалемдыме.
Йодмашым Марий образований институтыш (программын регионысо операторжо) намиен пуаш, Россий почто гоч але тудын официальный электрон почтышкыжо (mio.ya-mio@yandex.ru ) колташ лиеш.
Г.Кожевникова
Фотом Марий Эл Образований да науко министерствын воткылысе лаштыкше гыч налме
