15 апрельыште республикыштына 2025 ийлан «Земский туныктышо» федерал программыш ушнаш кумылан-влак деч йодмашым налме паша мучашлалтеш.
Тений гыч тудо «Молодёжь да йоча-влак» нацпроектыш пурталтын. Программе туныктышо-влаклан шагал еҥан (50 тӱжем марте) селаште але олаште паша верым муаш йӧным ышта. Тыгай верлаш пашам ышташ кайышылан 1 миллион теҥге кугытан единовременный выплатым пуат. Марий Элыштына 2025 ийлан 9 квотым ойырымо. Кызыт марте 13 йодмаш пурен.
Республикыштына эртыше вич ийыште «Земский туныктышо» программе почеш 76 паша ойпидышым ыштыме, ӱмаште школлаште 114 самырык педагог пашам ышташ тӱҥалын.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
