16 апрельыште Нижний Новгородышто РФ президентын Юл кундем федеральный округышто полномочный представительже Игорь Комаровын вуйлатымыж почеш окса дене кылдалтше операцийым закондымын шуктымо ваштареш межведомственный пашаче группын заседанийже эртен.
Мероприятийыште ПФО-што Россий ФСБ орган-влакын начальникыштын Совет председательже – Россий ФСБ-н Нижегородский управленийжын начальникше Игорь Завозяев, ПФО-што финанс мониторинг шотышто федеральный службын Межрегиональный управленийжын вуйлатышыже Виктор Цыганов, РФ Центробанкын Волго-Вятский тӱҥ управленийжын начальникше Лариса Павлова, икмыняр моло вуйлатыше лийыныт.
Погынышо-влак единый казначейский счётым кучылтын шуктымо закондымо финанс операций ваштареш мом ышташ лийме нерген мутланеныт.
– Налог да таможня орган-влакын данныйышт почеш, 2023-2024 ийлаште ПФО-што чылаже 900 миллион теҥге наре окса дене закондымо операций ышталтын, – палдарен Игорь Комаров.
Совещанийын участникше-влак уполномоченный ведомство-влакын окса дене кылдалтше закондымо операцийым ыштыме ваштареш могай паша шукталтме нерген каласкаленыт, темлымашыштым ойленыт.
Любовь Камалетдинова ямдылен
