САМЫРЫК ТУКЫМ

Z тукым могай улеш?

«Ме йӧршын вес тӱрлӧ лийынна», – ойлат кызытсе самырык-влаклан кугыеҥ-шамыч. Ӱчашаш нимолан. Вет ача ден эрге коклаште тиде тӱрлылык эреак лийын  да умбакыжат лиеш.

Кызытсе самырык, але Z тукым, нерген психолог Галина Соколенко теве мом ойла:

 

  1. Интернет – тиде пӧрт. XVI курымышто книга-влак лекташ тӱҥалыныт. Тунам самырык-влак кече мучко лудын шинчен кертын. Уым пален налаш шонышо-влакым ача-авашт, коча-ковашт йӧршын умылен огытыл. Z тукымлан шинчымашым налаш, усталыкым вияҥдаш, йолташ дене вашкылым ышташ интернет полша. Нуно илыш дене тӧр ошкылаш, у уверым пален налаш шонат. Сандене жапым яра эртарат манме йоҥылыш.
  2. Жап шерге. Ондаксе кином самырык еҥлан ончаш неле. Вет тушто чылажат кужун ончыкталтеш. Мутлан, шудо лойгалтме вич минут каен кертеш. Увер пеш шуко, садланак кажныжлан кужу жапым ойыраш нимолан. Кӱчыкын, тура каласыме сайрак.
  3. Отметке верч огыт тунем. «Визытанлан» тунемме эреж годым сай шинчымашым ок ончыкто. Кызыт еҥ дене ваш кылым ыштен моштымо, уым пален налаш тыршыме, пашаште лывырге лийме кӱкшынрак аклалтеш.
  4. Эрык. Ончыч мом каласымым эскереныт гын, кызыт самырык-влак шонымыштым лӱдде ойлен кертыт. Нунылан ойлымаште, тарванылмаште эрык, паша да окса деч шергырак.
  5. Мый эн сай улам. Z тукым шкенжым моткоч йӧрата. Молан? Нуным тыге туныктеныт. Кугыеҥ-влак шке йочаштлан эн сайым пуаш тыршеныт. Мо нунын лийын огыл, икшывыштын лийже манын шоненыт. Тыге ончыкылыклан ӱшаныше, шке вийым аклен моштышо, шкем чаманаш тунемше у тукым кушкын.                                                                
Опубликовать в Одноклассники

Добавить комментарий