Тений апрельыште гына республикысе кугорнылаште ир янлыкым тӱкымо дене кылдалтше вич туткар лийын.
Пӱртӱс поянлык, экологий да йырым-йырысе средам аралыме министерствын специалистше-влак водитель-шамычлан тӱткырак лияш кӱлмӧ нерген шижтарат. Поснак май–июль гутлаште пычкемыш годым янлык-влакын корным вончымо верлаште скоростьым иземден кудалаш йодыт. Шыҥа пошымо, шордын презым ыштыме пагытыште янлык корныш трук лектын кертеш, палемдат специалист-влак. А туткар лийын гын, ДТП нерген полиций пӧлкаш але экстренный реагирований телефоныш йыҥгырташ, кугыжаныш инспекторым шижтараш лиеш. Мнистерствыш 8-800-100-94-00 номер дене увертарыман.
Янлык лектын кертме вер Кокшайск трактысе онгыштоо, Йошкар-Олан объездной корныштыжо, Шойбулак гыч Ильинке марте Оршанке трактыште ятыр уло.
Янлык тӱнялан ыштыме энгеклан кугыжаныш казнаш тӱлыктат: тӱкымӧ шордылан – 80000 теҥгем, тамган пӱчылан, маскалан – 60000 теҥгем, шурманшылан – 40000 теҥгем, ирсӧсналан – 30000 теҥгем, мераҥлан – 1000 теҥге… Эҥгекым ыштыме кугытым Россий Пӱртӱс поянлык минстерствын посна приказше дене пеҥгыдемыдыме.
С.Носова.
