УВЕР ЙОГЫН

Шындаш, вашталташ, ушаш

«Рӱдӧ да Юл кундем Россетьыште» потребитель-влак дене ыштыме вич тылзаш пашам иктешлыме. Ты жапыште нунын деч 311 тӱжем йодмаш пурен.

Ты йодмаш гыч шукыжо (289,7 тӱжем утлаже) электрон йӧн дене колталтын, молыжо потребитель-влакым обслуживатлыме офисыш толын пуалтын, да эше пандемий деч ончычак.

68 тӱжем утла йодмаш сетьыш технологически ушымо дене кылдалтын. «Рӱдӧ да Юл кундем Россетьын» специалистше-влакын тыгай пашам шукташ опытыштат, материал ден техникыштат ситышын уло.

8 тӱжем утла гана граждан-влак ешартыш услугылан йодын миеныт. Эше 12 тӱжем утла гана электровийым шотлымо, тидын шотыштак счётчикым шындыме да вашталтыме, йодыш дене лектыныт. Ты пашам энергетик-влак кӱчык жапыште шуктат да чыла кӱлеш документым шке ямдылат да энергосбыт компанийыш увертарат.

Ушештарена, кызыт потребитель-влак дене пашам ыштыме шотышто офис-влак шке сомылыштым дистанционно шуктат. Компанийын специалистше-влак чыла услугым онлайн шукташ ямде улыт.

Ю.ИСАКОВ

 

Опубликовать в Одноклассники

Добавить комментарий