Общеобразовательный организацийлаште йоча-влаклан пукшымо кочкыш, столовыйышто санитарный нормым пудыртымо шотышто ача-ава-влак деч вуйшиймаш-влак огыт пуро манын каласаш огеш лий. Теве шукерте огыл ты йодышым Медведево район Краснооктябрьский школ шотышто тарватыме.
Тунемме верыш Марий Эл образований да науко министр шкеак миен коштын да кухньо пӧлемлам, кочкышым аралыме верлам, кӱмыж-совлам да молымат терген, но услугым пуымо качестве шотышто ситыдымашым палемден огыл. Адакшым тидымат каласыман: республикысе общеобразоватешльный организацийлаште улшо кочмывер-шамычым Роспотребнадзорын пашаеҥже-влак эреак терген шогат, Краснооктябрьский школ шотышто нимогай предписаний уке. Туге гынат министр тунемше-влакым пукшымо график шотышто вашталтышым пурташ кӱлмым ойлен, тыгак кочкышым аралыме да кӱмыж-совлам мушмым сайынрак тергаш кӱштен.
Тыгай тергымаш республикыштына умбакыже шуйна.
Г.Кожевникова
Фотом Марий Эл Образований да науко министерстве гыч налме
