Р-176 «Вятка» автомобиль корнын 337-ше километрыштыже верланыше Молома эҥер гоч кӱварын конструкцийжын ужашыже шаланымылан кӧра 2022 ий 7 август гыч тиде корнын озаже, «Прикамье» Упрдор ФКУ, грузовой транспортный средстве ден автобус-влаклан тиде автомобиль корно участкыште кудалыштмым жаплан чарен.
Легковой автомобиль-влак реверсивный режимыште ик полоса дене эртен кертыт.
Увертарена: объездной корно Киров–Советск– Яранск автомобиль корно дене Пижма эҥерысе кӱвар гоч эрта. Тиде кӱварыште 15 тонн деч нелырак транспортный средствалан кудалышташ чарыме.
Нелылык лекымлан кӧра региональный объездной корно дене гына эрташ лиеш. Тудын маршрутшо тыгай: Киров–Советск–Яранск–Малмыж–Вятские Поляны. Тиде маршрут Яранск, Пижанка, Лебяжъе, Вершинята, Суна, Киров гоч эрта.
В.СМОЛЕНЦЕВ
