Волжск индустриально-технологический техникумын студенткыже Юлия Волостнован пашаже – Российысе 100 эн сай сочинений радамыште.
Тенийысе конкурсын федеральный йыжыҥышкыже чылаже 442 паша пурен. Мемнан республик гыч регион кӱкшытан турышто сеныше вич сочиненийым колтымо. Нунын кокла гыч Юлиян «Теория милосердия. Дневник волонтёра» сочиненийжым ик эн кӱкшын акленыт. Ончыкыжым тудым «100 эн сай сочинений» сборникыште савыктат.
Г.Кожевникова
Фотом Марий Эл Образований да науко министерствын воткылысе лаштыкше гыч налме
