Марий Эл вуйлатыше Юрий Зайцев «Волга-Янцзы» форматыште эртыше регион-влак кокласе вашкыл шотышто Советын V заседанийыштыже участвоватла.
Таче, 21 майыште, Казаньыште Юл кундем федеральный округышто Россий Президентын полномочный представительже Игорь Комаровын да Китай Калык Республикын Госсоветшын премьержын алмаштышыже Чжан Гоцинын вуйлатымышт почеш «Волга-Янцзы» формат дене эртарыме регион-влак кокласе вашкыл шотышто Советын V заседанийже лиеш.
Мероприятийыш элнан 14 олаж гыч да Китайын 6 регионжо гыч (Аньхой, Цзянси, Хубэй, Хунань, Сычуань, рӱдӧ подчинениян Чунцин ола) представитель-влак ушненыт.
Заседаний жапыште кок эл коклаште кылым кучымо шотышто тӱрлӧ йодышым каҥашат. Мутлан, промышленный производство, логистике, ялозанлык, мланде йымалсе поянлыкым лукмо дене кылдалтше проектла нерген мутланат. Нине йодышлам Российын президентше Владимир Путин ден Китайын председательже Си Цзиньпин 8 майыште россий-китай вашмутланымаш годым тарватеныт.
Российысе регионла ден КНР-ын провинцийже-влак коклаште ойпидышым подписатлаш палемдалтеш.
Денис Речкинын фотожо.
