1 февральыште Марий Элын Общественный полышым пуымо шотышто республикысе общеобразовательный организаций-влакын директорыштын воспитаний паша шотышто советникышт марий тӱвыра дене шинчымашым пуымо йӧнышт дене палдареныт. Тидым моло кундемыштат ончен кертыныт – трансляций уло Россий мучко эртен.
«Мемнан кундем нерген шукын колыныт, но вияш эфир полшымо дене марий калыкнан ойыртемжым ончыктенат кертынна. Лӱддымын каласем: коллегына-шамычым сай практике пашана дене ӧрыктаренна», – палемден проектын регионысо координаторжо Наталья Фомичева.
Г.Кожевникова
Фотом Марий Эл Образований да науко министерствын сайтше гыч налме
