Марий Эл гыч школ директор «Российысе школ директор-2026» всероссийский конкурсын лауреатше лийын.
Юрино районысо Марьино школым вуйлатыше Татьяна Дружинина республикнан чапшым Иркутскышто эртыше профессионал мастарлык таҥасымашын финалыштыже арален да лауреат семын палемдалтын.
Финалист-влак конкурсын партнёржо-влак деч специальный приз дене палемдалтыт, Татьяна Дружининалан ВТБ банк деч пӧлекым кучыктеныт.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
