Икымше-влакын толкыныштын районласе пӧлкаштын чолга ӱдыр-рвезыже-влак «Марий кеҥеж Икымше-влак дене пырля» фестиваль кышкарыште ятыр мероприятийым эртарат.
Тиде кечылаште Оршанке районысо активист-шамыч ушем председатель Е.Винокурован вуйлатымыж почеш Оршанке посёлкышто пляжым почыныт, «Салам, кеҥеж!» модмо площадкым эртареныт. А тидын деч ончыч посёлкысо Молодёжный уремын кудывечыштыже канышыште улшо йоча-шамыч дене пырля тӱрлӧ модыш дене модыныт, мыскарам ыштылыныт, мутланеныт. Икманаш, жапым веселан, пайдалын эртареныт да вес гана вашлияш кутырен келшеныт.
Г.Кожевникова
Фотом Оршанке районысо образований пӧлкан соцкылысе лаштыкше гыч налме
