Марий Элын ЦУР-жым вуйлатышылан Андрей Юрьевич Пинаевым шогалтеныт.
А.Пинаев Регионым вуйлатыме рӱдерыште икмыняр ий тырша. Ты организацийыште таргетолог семын пашам ышташ тӱҥалын. Ты марте SMM-специалист лийын да ик пӧлкан пашажым виктарен. Пинаевым у должностьыш официально 20-шо август деч вара шогалтышаш улыт.
Ушештарена, ЦУР-ын ончычсо вуйлатышыже Лея Леманным Марий Эл Республикым вуйлатышын администрацийжын информаций паша пӧлкажын вуйлатышыжлан – Марий Эл вуйлатышын пресс-секретарьжылан шогалтеныт.
