Марий Элын Паша да социальный аралымаш министерствыже пашам аралыме пашам эн сайын организоватлыме смотр-конкурсыш йодмашым налеш.
Республик кӱкшытан конкурс Пашам аралыме тӱнямбал кече вашеш участник-влакын пуымо уверышт негызеш заочно эртаралтеш. Тушто регионысо чыла организаций ден амалкалче участвоватлен кертыт. Конкурсыш ушнымо дене корпоративный социальный ответственностьым, лӱдыкшыдымылык культурым, паша йӧным саемдымаште сеҥымашым, пашам да пашаеҥ-влакын илышышт ден тазалыкыштым аралымаште тыршыше специалист-влакын компетентностьыштым ончыкташ йӧн лиеш.
Конкурс эртыше ийым иктешлыме почеш «Производственный сферысе организаций-влак коклаште пашам аралыме пашам эн сайын организоватлымаш (пашаеҥ-влакын чотышт – 500 утла еҥ)», «Производственный сферысе организаций-влак коклаште пашам аралыме пашам эн сайын организоватлымаш (пашаеҥ-влакын чотышт – 100 утла еҥ)», «Производственный сферысе организаций-влак коклаште пашам аралыме пашам эн сайын организоватлымаш (пашаеҥ-влакын чотышт – 100 марте еҥ)», «Бюджет сферысе организаций-влак коклаште пашам аралыме пашам эн сайын организоватлымаш (пашаеҥ-влакын чотышт – 100 марте еҥ)», «Бюджет сферысе организаций-влак коклаште пашам аралыме пашам эн сайын организоватлымаш (пашаеҥ-влакын чотышт – 100 утла еҥ)», «Производственный огыл сферысе организаций-влак коклаште пашам аралыме пашам эн сайын организоватлымаш» номинаций-влак дене эртаралтеш.
Йодмаш ден документ пакетым Паша да социальный аралымаш министерствыш 424033, Йошкар-Ола, Брюгге эҥерӱмбал, 3-шо пӧрт, 406-шо кабинет адрес дене але dtzntrud@gov.mari.ru электрон почтыш 2024 ий 30 март йотке колтыман.
Сеҥыше ден призёр-влакым 28 апрельыште Пашам аралыме тӱнямбал кечылан пӧлеклалтше мероприятий-влак кышкарыште саламлат.
М.ИВАНОВА
Интернет гыч налме фото
