Марий Эл гыч 17 ӱдыр-рвезе интеллектуал олимпиадын окружной этапыштыже республикнан чапшым аралат.
Олимпиаде 25-28 мартыште Россий Президентын Юл кундем федеральный округышто полномочный представительже Игорь Комаровын патронажше почеш эрта. Участник-шамыч уш-акылыштым, моштымашыштым «Инженер команде-влакын конкурсыштышт», «Пилотдымо авиаций системым пилотироватлымаште», «Мо? Кушто? Кунам? интеллектуал модышышто», «Парламент дебатыште» и «Пилотдымо авиаций системым программироватлымаште» ончыктат.
Фотом «Молодежь Марий Эл» тӱшкан воткыл лаштыкше гыч налме.
