Тюменьыште «Врата Сибири» тӱнямбал кинофестиваль эртен.
Тушто режиссёр Денис Шаблийын «Марийские сказки» фильмже специальный приз дене палемдалтын. Призым реквизит шотышто сӱретче Анна Макарова конден.
Тидын нерген режиссёр воткыл лаштыкыштыже увертарен. Тудын ойлымыж почешак, тиде арняште Йошкар-Олашке уло Россий гыч кинематографист-влак толыт, молан манаш гын 10 июньышто Шаблийын студийыштыже «Марийские сказки. Часть 2» у фильмым войзаш тӱҥалыт.
