КУЛЬТУР ДА ИСКУССТВО КУЧЕМ УВЕР СЫМЫКТЫШ ФОЛЬКЛОР

Уэмдыме кумдыкышто – репетицийым

Калык-влакын тӱвыра пӧртыштым олмыктымо пашам Марий Эл вуйлатыше Юрий Зайцевын кӱштымыж почеш шуктеныт.

Тидлан республикын правительствыже 29 миллион наре теҥгем ойырен.
Ыштышаш тӱҥ пашам мучашленыт. Лишыл жапыште усталык коллектив-влак, нунын кокла гыч южышт Марий Элыште веле огыл, элна мучкат палыме улыт, уэмдыме кумдыкышто репетицийым эртараш тӱҥалыт.
Зданийыште коридорым ачаленыт, йӱкым возымо студийым, гардеробым ыштеныт, тыгак электромонтаж пашам шуктеныт да омса-шамычым вашталтеныт. Кызыт южо кабинетшым эше олмыктат.
Регион вуйлатыше Калык-влакын тӱвыра пӧртышкышт кодшо арняште миен коштын да паша кузе шукталтмым ончен савырнен.
Тудлан Т.В.Дмитриева лӱмеш «Эрвел марий», «Марий памаш», «Пеледыш», «Онар» да «Солнышко» ансамбль-влакын репетицийым эртарыме кумдыклам ончыктеныт.

Ю.Зайцевын палемдымыж почеш, республикнан артистше-влак Марий кундемнан ойыртемалтше тӱвыражым аралат.
«Ӱшанем, тачысе жаплан келшыше тиде пӧртыштӧ муро да куштымаш искусство дене илышыштым кылдыше-влаклан чыла йӧн уло. Йоча, самырык да кугырак-влак ончыкшымат Россий да тӱнямбал мучко республикнам чапландараш тӱҥалыт. Уэмден олмыктымо пашам сайын да жапыштыже шуктымыштлан моткоч куаненам», – палемден Юрий Зайцев.

Марий Эл вуйлатышын администрацийжын информаций паша пӧлкажын уверже негызеш А.БАЙКОВА ямдылен

Д.Речкинын фотожо  

 

 

Опубликовать в Одноклассники

Добавить комментарий