Мишкан селасе Марий тӱвыра да историй рӱдерыште XII Марий калык погыныш сайлыме делегат-влакын погынымашышт эртен.
Тушто кундемысе муниципал образований ден оласе округлаште делегатым сайлыме сход-влакым иктешленыт. Вес йодышым каҥашыме годым Пошкырт марий-влак деч Мер Каҥашыш кандидат-влакым ойыреныт.
Погынышто эше ик сай сомылым ворандареныт: Марий самырык-влакын регионысо мер организацийыштым ыштеныт. Тудым Янаул район гыч мер пашаште шкенжым чолган ончыктышо Елена Гильмитдиновалан вуйлаташ ӱшаненыт. Тудо шке районыштыжо тыгак самырык-влакын организацийыштым вуйлата. А тӱҥ пашаже В.М.Васильев лӱмеш тоштер-пӧрт дене кылдалтын.
Мероприятийыште республикым вуйлатыме пашаште ыштыше кӱкшӧ должностян еҥ-лак лийыныт. Марий Эл гыч тушко Мер Каҥаш вуйлатыше, Оньыжа Эдуард Александров миен.
Снимкылаште: Е.Гильмитдинова; погынымаш годым.
Фотом рӱдерын соцкыл лаштыкше гыч налме.
