Шернур районысо Кукнур кундемыште верланыше Марий Йӱштӧ Кугызан илемыштыже у тургым жаплан ямдылалтыт.
Турист-влакым вашлийын-ужатыме кумдыкым у объект дене пойдарат. Илемыште марий кудым ыштат. А тидлан тушко ялысе тошто книгагудын оралтыжым конденыт. Кызыт тудым нӧлтат, варажым кресаньык пӧрт семын тӱзатат. Уэмдыме суртышто турист-шамычлан команмленам кӱэшташ туныктымо мастер-класс-влакым эртараш тӱҥалыт. Тиде тений телылан лийын шушаш, палемдат республикысе Спорт да туризм министерствыште.
Снимкыште: илемыште паша шолеш.
Фотом министерствын соцкыл лаштыкше гыч налме.
