Тений сентябрьыште республикыштына Марий Элын кандашымше созыв Кугыжаныш Погынышкыжо депутат-влакым сайлыме годым икымше гана дистанционный электронный йӱклымаш йӧн дене пайдаланаш лиеш.
Ынде еҥ-влак телефонышт але компьютерышт полшымо дене йӱклен кертыт.
Тыгай йӧн дене Российысе 25 регионышто пайдаланат. Тидлан «Кугыжаныш услуго» порталыште 22 июль гыч 2 сентябрь марте йодмашым пуыман, палдара Марий Элын Избиркомжын пресс-службыжо.
Ушештарена: тений йӱклымаш 6 гыч 8 сентябрь марте лиеш.
Л.Камалетдинова
Авторын фотожо
