КУЧЕМ УВЕР

У пачер деч сравочым кучыктеныт

Медведево районысо Шойбулак селаште 33 тулык йочалан у пачер деч сравочым кучыктеныт.

Марий Эл вуйлатышын кӱштымыж почеш тиде официальный церемонийыште республикысе правительстве председательын икымше алмаштышыже Михаил Васютин лийын. Тудо пӧртсийым палемдыше-влакым  Юрий Зайцевын лӱмжӧ дене саламлен.

– 2021-2023 ийлаште Марий Элыште 706 тулык икшыве илыме веран лийын. Нунын кокла гыч 95 – Медведево муниципал районышто. 2024 ийыште республикыште 249 тулык йочалан илыме верым ситараш палемдалтеш. Тидлан 572 миллион наре теҥге ойыралтын, – каласен Михаил Васютин.

Марий Эл Вуйлатышын администрацийжын информаций паша пӧлкажын уверже негызеш Л.Камалетдинова ямдылен

Опубликовать в Одноклассники

Добавить комментарий