У ий салам: Советский
Мучашке лишемше идалыкыште, Марий Эл Образований да науко министерстве дене пашам пырля ыштен, Шернур районысо Мустай школым капитально олмыктышна, Тӱвыра, савыктыш да калык паша шотышто министерствын йодмыжым шуктен, Советский посёлкышто мобильный книгагудым нӧлтышна да Йошкар-Олаште Входоиерусалимский черкым умбакыже чоҥышна. Советский районысо «У илыш» да Оршанке районысо «Родина» колхозла дене вияш контрактла негызеш вольык фермылам капитально тӧрлымӧ. ПМК-5 дене партнёр кылым умбакыже шуен, Йошкар-Олаште да Оршанке посёлкышто илыме пӧртлам штукатуритлыме.
Вес ийын саде министерствыла денак кылнам вияҥдаш шонена. План кугу, но чылажат аукцион кузе эртымым онча. Контрактым ыштымеке гына раш ойлаш лиеш. Но икмыняржым ончыктен кертам: Входоиерусалимский черкыште паша умбакыже шуйна, илыме верлам тыгак чоҥаш тӱҥалына. Производство кугытым, пашаеҥым ешарыме йодыш решатлалтеш.
Чоҥымо паша тыныслыкым йӧрата. Тӱнясе вашпижмаш вашкерак пытыже, чын верч шогымына сеҥымаш дене мучашлалтше, кредалмашке кайыше-влак тыныс пашаш ушнен кертышт. Сандене чылалан тыныслыкым, пиалан илышым да тазалыкым тыланем!
Д.П.ГЛАЗЫРИН,
«Советский ПМК» производственный кооперативын председательже
