УВЕР ЙОГЫН

У ий салам: ШЕРНУР

Тидын марте озанлыкна каза ден шорыкым ашныше семын гына палыме лийын гын, ӱмаште эше пырчым куштымо пашалан пижме. Тунам тидлан ойырымо кумдыкна 800 гектарым айлен, а тений – 2300 гектарым. Вольыкна тунарак кодын: шорык – 1000 вуй, каза – 4200 вуй.  Каза тага гына шыллан колтымо деч вара шагалемын.

Ончыч вольыкым тыглаяк кок фермылан шелме гын, шушаш ий гыч Шолэҥерыште лӱшташ шудымым, а Кучанурышто лӱштымым шогыкташ тӱҥалына. Тидлан кӧрак кокымшыштыжо лӱштымо верым кок пачаш кугемденна. Вольык вуйым шушаш ийынат огына ешаре, шӧр лӱштышым гына кугемдаш шонена. А шурным куштымо пашам умбакыже шарен толына. Тений шушаш ийлан 880 гектар кокияшым ӱден кодымо, а икияшыжым шошым 2700 гектарыште вераҥдаш палемдалтеш. Тугеже чумыржо 3580 гектар лиеш. Но вес ийын шыжым кокияшым гына 2000 гектарыште вераҥдаш шонена. Манмыла, планна изи огыл.

Тыгай пагытыште шушаш ийлан мом тыланаш лиеш? Чылалан – тазалыкым да эше пиалым! Нимогай ойго ынже тол. Коронавируслан кӧра мынярын нелылыкыш логалыт, паша деч посна кодыт. Сандене шкендам аралыза! Адакше калыкна ялозанлык деке лишкырак лийже. Тыге гына ялнам вияҥден колтен кертына. Толза, самырык специалист-влакым вучена!

Н.В.Патрушева,

«Лукоз» СХП ООО-н вуйлатышыже

Опубликовать в Одноклассники

Добавить комментарий