Тений Марий Элыште «Молодёжь да йоча-влак» нацпроект почеш Йошкар-Оласе автодорожный техникумын тунемме да мер-быт корпусшым, тыгак Йошкар-Оласе строительный техникумын тӱшкагудыжым капитально олмыктат.
Иктыштыже – Йошкар-Оласе строительный техникумышто – тиде кечылаште республикын образований да науко министрже Лариса Ревуцкая лийын. Тунемме верыште олмыктымо пашам тӱҥалме: пӧлем-шамычым, мастерскойласе оборудованийым уэмдат. Кызытсе жаплан келшыше тунемме кумдык республикын чоҥышо отрасльжылан эшеат шуко кӱкшӧ квалификациян специалист-влакым ямдылаш йӧным ыштышаш.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
