«Герои Марий Эл. Талешке-влак» программын участникше-влак вашке тунемаш тӱҥалыт.Нуным ныл туныктымо модуль гыч шогышо программе вуча.
Ик эн кӱлешанже — «Кугыжаныш политике ден кугыжаныш управлений системыже».
Занятийым РФ президент пеленысе Калык озанлык да кугыжаныш службо Россий академийын, Юл кундем кугыжаныш технологий университетын туныктышыжо-шамыч, исполнительный кучем органын, Марий Эл вуйлатышын администрацийжын вуйлатышыже-влак эртарат.
Нунылан тыгай темылан дене занятийым эртарат:
🔹 Россий кугыжанышын историйже деч тӱҥалын тӱнямбалне Российын кызытсе вержым умылымаш марте;
🔹 Конституционный негыз да публичный кучем системе деч тӱҥалын региональный кучем да верысе самоуправлений кокласе вашкыл марте;
🔹 Национальный цель да проектла гыч тӱҥалын регионышто проект пашам виктарен колтымо марте.
Лач нине занятийлаште налме шинчымаш герой-влаклан, тунем пытарымекышт, республикысе управленческий командыш ӱшанлын пураш да кундемнам вияҥден колтымо верч пашам ышташ йӧным ыштат.
