20 апрель гыч республикысе чодыра кумдыкышто пожар лийын кертме тургым тӱҥалын. Тиде амал денак шукерте огыл Марий Элын Пӱртӱс поянляк, экологий да йырым-йырысе средам аралыме министерствыже Медведево районышто пожарым йӧртымӧ шотышто ученнийым эртарен.
Тудо 2021 ийыште чодыра йӱлымӧ кумдыкышто эртен. Ученийын тӱҥ задачыже тыгай лийын: кажне службо тулым йӧртымӧ паша радамым кӱлеш семын шуктышаш. Ученийыш Россий МЧС-н Марий Элысе Тӱҥ управленийжын, тыгак министерствын чыла подразделенийлаже ушненыт. Тренировкылан пушеҥгым чумырымо вич орам ямдыленыт. Легенде почеш тул ӱлыч ылыжын да шарлен каен. Кугыжаныш инспектор, лесничий, пожарный влакым, Авиалесоохранын самолётшымат тулым йӧртымашке ушеныт, чылаже 60 наре еҥ, 16 технике, 1 квадрокоптер.
Ушештарен кодыман, республикыште пожар ваштареш кучедалме посна режимым пуртымылан кӧра чодыраште тулым ылжташ чарыме. Тидлан изи огыл штраф вуча.
Чодыраште тул ылыжмым ужмеке, вигак 8-(8362) 56-65-35 але 8 800 100 94 00 телефоныш йыҥгыртыман.
С.Носова
Авторын фотожо
