Марий Элыште 12-18 май Вӱргорно гипертоний ваштареш кучедалме арня семын эрта. Тудын тӱҥ шонымашыже вӱргорно давленийым эскерыме да врачын темлымыжым шуктымо кӱлешлык нерген каласкалыме дене кылдалтын.
Пытартыш гана кунам висенат?
- Вӱргорно давлений кӱзымӧ годым айдемылан «артериальный гипертоний але гипертензий» диагнозым шындат, волымо годым – «артериальный гипотензий але гипотонийым».
- Тыгодым кугу вӱргорно давлений изи деч палынак лӱдыкшӧ, молан манаш тиде ситыдымаш шӱм-вӱргорно системын тӱрлӧ черже дене черланаш амалым ышта.
- Кугу давлениян еҥ-влакын инсульт 7 пачаш чӱчкыдын лиеш, шӱмын ишемий черже – 4 пачаш чӱчкыдын, йолысо вӱргорно 2 пачаш чӱчкыдын локтылалтеш.
- Кугу давленийын кужу жап орландарымыж годым эмлалташ огыл гын, кенеташте колашат лиеш.
Кӧн могай?
Школыш коштдымо йоча-влакын вӱргорно давленийышт кокла шот дене 80/50 лиеш, подростко-шамычын – 110/70. Тылеч вара давлений изишак кӱза, но тудо 140/190 деч кугу лийшаш огыл.
Кузе эскераш?
Тазалыкым аралыме тӱнямбал организацийын палдарымыж почеш, вӱргорно давленийым тыглай тонометр дене гына висен эскераш гын, шӱм-вӱргорно чер дене черланен кертме лӱдыкшым палынак иземдаш да шкем инфаркт, инсульт, вӱргорно деменций, ретинопатий, вучыдымын колен колтымо деч арален кодаш лиеш.
Маргарита ИВАНОВА ямдылен.
Авторын фотожо.
