18 октябрьыште Йошкар-Олаште Ленин лӱмеш площадьыште каныш кече ярмиҥга эртаралтеш.
Олаште илыше да рӱдолан унаже-влак предприятий ден тӱшка озанлык, фермер-шамычын ямдылыме свежа, сай качестван кочкыш сатуштым налын кертыт. Сатум ужалаш пошкудо регионла гычат толыт. Те ярмиҥгаште шылым, шӧрым, нине продукт гыч ямдылыме кочкышым, колым, муным, мӱйым, пакчасаскам, пареҥгым, чодыра поянлыкым, киндым, сувенир сатум да молымат налын кертыда. Толза ярмиҥгашке, кумылда ок воло.
