Тений икымше кварталыште Марий Элыште спирт негызан средстве дене 46 граждан аярген, тышечын 32 еҥже колен.
Эн шуко – 10 еҥ – Шернур районышто аярген, Йошкар-Олаште – шымыт (кудытшо колен), Кужэҥер районышто – кудыт (нылытше колен), Звенигово районышто – визыт (нылытше колен), Волжск олаште – кумыт (чыланат коленыт), Волжский, Курыкмарий, Килемар, Параньга, Советский районлаште – кокыт дене (чыланат коленыт), Козьмодемьянск олаште, Марий Турек, Медведево, Морко, У Торъял районлаште – икыт дене (чыланат коленыт). Оршанке ден Юрино районлаште спирт негызан средстве дене аяргымым регистрироватлыме огыл.
Январь-мартыште промышленный производствышто ямдылен лукмо начар качестван алкоголь дене аярген колымо случай лийын огыл.
М.ИВАНОВА
Фотом интернет гыч налме
