Марий Элым вуйлатыше Александр Евстифеев регионысо Тазалык аралтыш министерствылан у коронавирус инфекций дене черланен кертмым писынрак рашемдыме экспресс-тестым налаш 10 миллион теҥгем ойырымо нерген распоряженийыш кидпалыжым пыштен.
Тиде средства у коронавирус инфекций ваштареш кучедалмашке кучылталтеш, тÿҥ шотышто – ковидлан экспресс-тестированийым эртараш ИХА-тест-влакым налаш.
Шке жапыштыже ыштыме диагностике черланыше-влакым писынрак рашемдаш, COVID-19 инфекцийын лÿдыкшыж ден шарлыме шырымжым иземдаш йöным ышта, палемден республикым вуйлатыше.
Марий Эл Республикым вуйлатышын организаций да аналитике виктемжын уверже негызеш М.ИВАНОВА ямдылен