Марий Элыште туныктышо ден воспитатель-влакын профессионал мастарлык конкурсыштым иктешленыт да сеҥыше-влакым саламленыт.
Нунын лӱмышт:
«Идалыкын туныктышыжо-2025» – Екатерина Матвеева (Йошкар-Оласе А.С.Пушкин лӱмеш 4-ше №-ан гимназийыште руш йылмым да литературым туныктышо);
«Марий йылмым эн сайын туныктышо – 2025» – Ирина Оразаева (Морко район Унчо школышто тӱҥалтыш класслам туныктышо);
«Идалыкын воспитательже-2025» – Марина Гусева (Советский посёлкысо 3-шо №-ан «Теремок» йочасадыште физический культур дене инструктор);
«Шӱмем йоча-влаклан пуэм – 2025» – Елена Логинова (Йошкар-Оласе Йоча да самырык-влакын усталык полатыште ешартыш образованийым пуышо педагог).
Марий Элым вуйлатыше Юрий Зайцевын кӱштымашыже почеш сеҥыше-влаклан окса премийым (грантым) кучыктеныт
«Педагогна-влак дене республикна кугешна! Пашашт – аклаш лийдыме, вет нуно ончыкылыкнам ыштат», – палемден Юрий Зайцев.
Галина Кожевникова
Иван Речкинын фотожо
