Марий Эл Кугыжаныш Погынын законодательный комитетше индешымше сессий деч ончыч законын проектше-влакым ончен.
Комитетын йыжыҥъеҥже-шамыч Йошкар-Оласе да Медведево районысо суд район-влакын куд суд участкышкышт темлыме мировой судья-шамыч дене палыме лийыныт.
Депутат-влак тыгак республикысе калыкын илем-шамычым иктыш ушымо шотышто икмыняр тӱҥалтышышт дене келшеныт.
Сайлыше-влакын наказышт нерген законыш вашталтышым темленыт: депутатын йодмо тӱҥалтышыже жап деч ончыч шукталтеш гын, тудо палемдыме срокышто у проектым пуэн кертеш.
«Марий Эл Республикыште патриотический воспитаний нерген» законопроектын нулевой лудмашыже мучашлалтын.
Кугыжаныш Погын председательын алмаштышыже Александр Смирнов Конституционный комиссийын йыжыҥъеҥже Александр Давыдовлан республикым вуйлатыше Юрий Зайцевын законодательствым вияҥдымашке надырым пыштымылан да Марий Эл Конституцийлан 30 ий темме лӱмеш Тауштымашан серышыжым кучыктен.
Маргарита Иванова.
Марий Эл Кугыжаныш Погынын фотожо.
