27 мартыште «Театральное Приволжье» йоча да самырык-влакын театр коллективыштын окружной фестивальыштын VII тургымжын иктешленыт.
Проект Россий Президентын Юл кундем федеральный округышто полномочный представительже Игорь Комаровын темлымыж почеш илышыш шыҥдаралтеш.
Конкурсыш ик тӱжемат пеле профессионал огыл театр коллектив гыч 25 тӱжем утла самырык артист ушнен. Юл кундем федеральный округын 14 регионжо гыч 28 спектакль финалыш лектын.
Нунын коклаште Марий Эл гыч кок постановко лийын:
«Вода чувствует» театр коллективын «ПоролИ» авторский спектакльже (Памар тӱвыра пӧрт),Волжск оласе лицейын «Синяя птица» школ театрын «Петя и волк» постановкыжо.
Лауреат-влакым «Эн сай молодёжный спектакль», «Эн сай йоча спектакль», «Эн сай режиссёр паша», «Эн сай пӧръеҥ роль», «Эн сай ӱдырамаш роль», «Эн сай музыкальный оформлений» да «Эн сай художественный оформлений» номинацийлаште палемденыт.
Сеҥыше, призер ден финалист-влакым театральноеприволжье.рф/2025/final… ссылке дене эртен пален налыда.
Снимкыште: «Петя и волк» постановко гыч ужаш. .
