«Майатул» фестивальын шерге участникше ден унаже-влак!
Тендам финн-угор тўнян тӱҥ театр пайремже дене саламлем, Тудо поро йӱла почеш уэш Йошкар-Олаште эрта.
Республикнан рӱдолажым эреак вашлийме верыш савырымыланда Марий Эл тыланда таушта. Тидыже искусствым йӧратыше-влаклан финн-угор калык-влакын кызытсе театр илышыштын шўлышышкыжӧ икмыняр кечылан шыҥдаралташышт сай йӧным пуа.
«Майатул» фестиваль – тиде эн ончычак кугу погынымаш, тудо опыт, идей дене икте-весым ваш-ваш палдараш, тӱшка творческий проектым ышташ йӧным пуа. Тудо этнос-влак кокласе театральный кылым пеҥгыдемдаш да профессионал семын ончыкыжат пайдалын пашам ышташ полшышаш.
Национальный театр-влак калык искусствым кумдан шарымашке да культур йӱлам, калык-влакын шуко сынан этнокультурыштым да этнический икгайлыкыштым арален кодымашке виктаралтше ойыртемалтше пашам шуктен шогат.
Финн-угор калык-влакын театрыштын XIV тӱнямбал фестивальышт Колык искусство да Российысе калык-влакын материальный огыл культур наследийышт идалыклан пӧлеклалтше мероприятий-шамыч радамыште чапле да ушеш кодшо событийыш савырна манын ӱшанем.
Фестивальын участникше-влаклан нӧлталтше кумылым, творческий вий-куатым, сай выступленийым, а ончышо-шамычлан ушеш кодшо шарнымашым тыланем.
Марий Эл Республикым Вуйлатышын
пашажым жаплан шуктышо
Ю.В.Зайцев