Марий Эл - 100

Тӱзатыме кумдык шукырак лиеш

Йошкар-Олаште тӱшкан пайдаланыме кумдыкым 2021 ийыште тӱзатыме шотышто йӱклымаш таче мучашлалте.
Тыге 33 гыч эн ончыч тӱзатышаш 12 кумдык верч 4 173 еҥ йӱклен. Нуно тыгай улыт:
1. Пролетарский урем дене йолын коштмо кумдык (Вознесенский урем деч Машиностроитель урем марте);
2. Ленин проспект дене йолын коштмо кумдык (Первомайский урем деч Рябинин урем марте);
3. Культур да каныме рӱдӧ парк кумдыкышто кечывал-касвел ужашыже;
4. Суворов урем дене йолын коштмо кумдык (Машиностроитель урем деч Ползунов урем марте);
5. Зелёная урем дене йолын коштмо кумдык (Прохорова урем деч Машиностроитель урем (мужырдымо велже) марте;
6. Йыван Кырля урем дене «Планета» сатулымо рӱдер шеҥгелсе каныме кумдык;
7. Эшкинин урем дене йолын коштмо кумдык (Ленин проспект деч Чавайн бульвар марте);
8. Луначарский урем дене (мужырдымо велыште) йолын коштмо кумдык;
9. Первомайский урем дене йолын коштмо кумдык (Кремлёвский урем деч Красноармейский (мужырдымо велже) марте;
10. Вашский урем дене йолын коштмо кумдык (Советский урем деч К.Маркс урем (мужыран велже) марте;
11. Машиностроитель урем (мужырдымо велже) дене йолын коштмо кумдык (Суворов урем деч Зарубин урем марте);
12. Волков урем дене йолын коштмо кумдык (Ленин проспект гыч Вашский урем (мужыран велже) марте;
Иктешлымашым лишыл кечылаште общественный комиссий ышта.

Р.ЧЕПАКОВА ямдылен

Опубликовать в Одноклассники

Добавить комментарий