«МАРИЙ ЭЛ» ТАЧЕ

Тӱрлӧ калыкым ушышо у ушем

 

Марий Элыште «Российысе калык-влакын ассамблейышт»  общероссийский мер-кугыжаныш организацийын марий региональный пӧлкаже ышталтын.

Шукерте огыл республикысе Мер-политик рӱдерыште тудын учредительный погынымашыже эртен. Тушко республикысе мер организаций-влакын вуйлатышышт чумыргеныт. У организацийым вуйлаташ Лариса Яковлевалан ӱшаненыт. Тудын лӱмжӧ кумдан палыме: Российысе марий-влакын федерал калыкле-тӱвыра автономийыштым вуйлатыше тыгак Марий Эл Кугыжаныш Погын вуйлатышын алмаштышыже, эше Россий Президент пеленысе калык-влак кокласе кыл шотышто советын членжылан шотлалтеш.

Погынымаште регионысо пӧлкан правленийжымат сайленыт. Тушко Марий Элысе татар-влакын регионысо калыкле-тӱвыра автономийыштым вуйлатыше Амир Шакиров, азербайджан-влакын тыгаяк автономийыштым вуйлатыше Октай Гусейнов, «Дружба народов» калык-влак кокласе келшымаш кылым пеҥгыдемдыше регионысо мер организаций вуйлатыше Адхам Мисиралиев, «Царев город»  фольклор ушем вуйлатыше Мария Смирнова пуреныт. Ревизорлан Марий калыкле конгресс вуйлатыше Эдуард Иманаевым ойыреныт.

С.Носова

Опубликовать в Одноклассники

Добавить комментарий