«Основы безопасности и защиты Родины» ден «Труд (технологий) предметлам туныкташ кабинет-влаклан кӱлеш оборудованийым налыт.
«Молодёжь да йоча-влак» нацпроект полшымо дене тиде пашам республикысе 187 общеобразовательный организацийыште ышташ тӱҥалме да лишыл кум ийыште мучашлаш палемдыме.
Кызытлан икмыняр школлан «Основы безопасности и защиты Родины» предмет дене тунемме да демонстраций материалым, шкем аралыме средствам, тренажёрым, симуляторым, а «Труд» кабинетлан станокым, столяр да слесарь ӱзгарым, ургымо машинам, манекеным да молымат налме.
Палемдыме предметла дене туныктышо-влаклан полышым пуаш республикыштына ресурс-методике рӱдерым почаш палемдыме.
2026 ийыште Марий Элысе общеобразовательный организаций-шамычлан изобразительный искусство, музык да физике предметла дене жаплан келшыше оборудованийым, методический материалым налыт, 2027 ийыште – математике, информатике, химий да биологий дене.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
