У ийыште - у семын УВЕР ЙОГЫН

У ий салам: Кужэҥер

Самырык ава-влаклан пособийым утларак пуаш тӱҥалыныт – шижалтеш, оксашт уло, посёлкышто «Лёд и пламень» кевытысе «Вургем.Йолчием. Сумка» отделышкына йоча дене налаш толыт. Сандене мыйынат ужалыме паша удан огыл кая. Шкеже кандаш ий пенсийыште улам гынат, уныкам-влаклан полшынем. Вет нуным, йыгыр эргым, изинек ончен куштенам. Тений коктынат армийыш каеныт. Иктыже МЧС линий дене колледжым тунем пытарен гын, весыже служитлаш пырля кайышашлан МарГУ-што академическийым налын. Теҥыз флотышто службым эртат. Студент улмышт годым нунылан олаште ик пӧлеман пачерым ипотеке йӧн дене налынам ыле, шушаш ийыште тӱлен пытарышаш кодын. Санденат тыршыде ок лий.

Тӱҥжӧ –  СВО манмет вашкерак пытыже, рвезе воин-влак илыше пӧртылышт, вет чылан тидым вучат. Мыят уныкам-влак сайын служитлен толышт, ончыкылык илыш корныштышт чылажат шот дене лийже манын шонем. Россий деч сар ойго ойырлыжо –  тидыже калыкнан тӱҥ шонымашыже.

Чылалан – таза лияш! Осал чер угыч ынже тол. Пиалан лияш! Самырык-влак ӱдырым налышт, марлан кайышт. Илышна тӱзланыже. Кызыт посёлко кӧргыштат тидын шотышто изи огыл паша ышталтеш. Сандене шушаш ийыштат сайым гына тыланем.

Л.Н.СИДОРОВА,

индивидуальный предприниматель

Опубликовать в Одноклассники

Добавить комментарий