Сеҥымаш СПОРТ Чолгалык

Спорт увер

Мо? Кушто? Кунам?
Бокс
26-29 октябрьыште Волжский район Приволжский посёлкышто Марий Элын заслуженный тренерже Г.Мухамедзяновым шарныме лӱмеш да О.Нумовын призше верч бокс дене турнир эртен.
Татарстан, Чуваш республикла да Марий Эл гыч чылаже 163 спортсмен рингыш лектын. Чылан сай таҥасымашым ончыктеныт. Марий Элын чапшым 69 спортсмен арален да шке тӱшкаштышт икымше верым 15 еҥ, кокымшым 19, а кумшо верым 24 боксёр налын.
Сеҥыше ден призёр-влаклан шарнымашан пӧлекым кучыктеныт. Тыгай сай кӱкшытан, йӱлаш пурышо турнирым эртарен колтымыштлан участник, тренер-шамычлан кугу тау.

Корэш
28-30 октябрьыште Озаҥ олаште корэш дене эртыше всероссийский таҥасымаште Марий Эл гыч кум спортсмен вийжым терген. М.Галлямов 75 килограмм нелытан-шамыч коклаште икымше, М.Сулейманов 65 килограмм нелытан-влак коклаште кокымшо, а Ф.Сибагатуллин (85 кг.) кумшо верым налыныт. Суллейманов ден Галлямов регионыштына ты видым вияҥдат, тренер сомылым шуктат.

Спорт туризм
29-30 октябрьыште спорт туризм дене Марий Элын первенствыже 10 район ден олала гыч 270 ӱдыр-рвезе вийжым терген.
Ты гана Йошкар-Ола воктенысе «Корта» ече базыште таҥасымаш, сай игече, моткоч оҥай дистанций участник-шамычлан сай шарнымашым коден.
Е.Эшкинина.

Опубликовать в Одноклассники

Добавить комментарий