Марий Элыште тений спортын ныл у видше дене спортивный федераций-влакым аккредитоватлыме кокла гыч таче эше иктыж дене,
пилон спорт дене палдарена.
Пилон – спортын ты видыштыже гимнастикын, акробатикын, хореографийын элементышт, тыгак актёрысо мастарлык ушалтыныт. Чыла упражнений, программе лӱмын ямдылыме снарядыште ышталтеш.
Чылажат ӱдырамашын моторлыкшо дене кылдалтын.
Такшым ты видым ончыч шестыште куштымаш, маныныт. Тудлан кушташ келшыше тоя уло. Эн ончыч пу пилон Индийыште XI курым мучаште лектын да тудо йогылан келыштаралтын улмаш. Таче кечылан пилон спорт дене тӱнямбал федерацият (IPSF) уло. Тудын президентше Кэти Коатс латик ий ты дисциплиным спортын посна видшылан шотлаш тӧчен. Шонымашыже шукталтын, а ындыжым пилонышто куштымашым Олимпийский модмашын программышкыже пурташ темла.
Англичан йылме гыч рole danc (пилон) – куштымашын эше ик ойыртемалтше видше. Тушто участник ик але кок шестыште акробатикым, хореографийым, спорт гимнастикын элементыштым кучылтын выступатла.
Такшым рole danc да фитнес, пилон куштымаш дене 2003 ий гыч тўнямбал кўкшытан та‰асымаш-влак эртаралтыт. Тудым эше ўдырамаш-влаклан фитнес-программе семын кучылтыт.
Мо гынат, кундемыштынат, Йошкар-Олаште, пилон спорт федерацийым 15 апрельыште официально почыт.
Лекше йодышым ВКонтакте группышто – https://vk.com/polesports_marielrepublic рашемдаш лиеш.
Е.Эшкинина.
