8-22 мартыште Абу-Дабиште (Объединенный Арабский Эмират) Тӱнямбал кеҥеж модмаш эрта. Йошкар-Ола гыч Специальный олимпиадылаште выступатлыше да ик гана веле огыл призёр ден сеҥышыш лекше С.Мухлыгин (ДЦП) вийжым терген.
16 мартыште Сергей (тренерже Ю.Кудрявцев) пауэрлифтинг дене элнан сборный командыжын чапшым арален. 66 килограмм марте тӱшкаште тудо ший медальын озаже лийын.
Марий Элын Молодёжный политике, спорт да туризм министерствыжын пресс-службыжын палемдымыж почеш, тиде модмаште медаль верч спортын 20 видыштыже таҥасат. Российын командыштыже чылаже 215 еҥ. Сборныйыш С.Мухлыгиным ӱмаште Йошкар-Олаште эртыше всероссийский Специальный олимпиадыште ойыреныт.
Е.Эшкинина.
