УВЕР ЙОГЫН

«Сонимаке»

Тыге маналтеш  Россий писатель ушем член, журналист, прозаик да поэт Анатолий Александрович Новиковын  черетан у книгаже.

Книгашке кум повесть, латкуд ойлымаш да илыш сўрет-влак пурталтыныт. Ончылмутышто возымо семын, произведений-влакын геройышт тў‰ шотышто посёлкышто да ялыште илат. Мутлан, «Тонька» повестьын геройжо-влак механизатор, райпо, типографий, пашае‰, инженер, вуйлатыше,  бизнесмен, мариян да марийдыме, йєратыше да йєратыдыме, шо‰го да самырык е‰-влак да молат улыт. Икманаш, кажныжын шке пўрымашыже, илыш корныжо. «Сонимаке»  ойлымаш  –  йочасадыште пашам ыштыше ўдыръе‰ын пиалдыме йєратымашыже нерген.

Адак ончылмутыштыжо возымо семынак, «Чо‰ештыше кайыкым кучаш ок лий, эртыше ўмырым савыраш ок лий», – маныт калыкыште. А книгасе герой-влакын илыш корнышт дене  книгам лудмеке палыме лийын кертыда.

Книгам Марий Эл Республикын «2013-2025 ийласе жаплан Марий Эл Республикын кугыжаныш национальный политикыже» кугыжаныш программыж почеш «Марий книга издательстве» савыктыш пєрт луктын.

Анатолий Александрович Новиков-Орью дене лудшына-влак шукертак палыме улыт, шонем. Газетыштына тудын повестьше, ойлымашыже да илыш сўретше-шамыч жапын-жапын лектынак шогат.  Тудо У Торъял район Кыдал Орью ялыште шочын-кушкын. 1969 – 1974 ийлаште Воронеж кугыжаныш университетын филологий факультетыштыже шинчымашым поген. Сылнымут пашажым йоча поэт семын тў‰алын. «™скырт киса» лўман икымше почеламут сборникше 1982 ийыште ош тўням ужын.

Ятыр ий тудо «Ялысе увер», «Сельская новь» У Торъял райгазетыште тыршен. Кызыт сулен налме канышыште да Йошкар-Олаште ила гынат, умбакыжат сылнымут дене кылым куча.

Евгений Садовин

Опубликовать в Одноклассники

Добавить комментарий