Элыштына «Федераций Совет – регион-влакын палатышт» («Совет Федерации – палата регионов») конкурсым увертарыме. Тудым Федераций Совет ден РФ Журналист ушем организоватленыт. Йодмашым 2023 ий 1 декабрь марте налыт.
Конкурслык пашам нине номинаций дене пуаш лиеш:
- «Фокусышто – Федераций Совет» («В фокусе – Совет Федерации») – парламентын, Федераций Советын да РФ сенатор-влакын пашашт нерген материал. Тений тиде номинаций парламентын кӱшыл палатыжлан 30 ий теммылан пӧлеклалтын.
- «Тӱткышын тӱҥыштыжӧ» («В центре внимания») – тений тиде номинаций элнан у регионжо-влакын Российын мер-политике да социально-экономический кумдыклашкыже ушнымыштлан пӧлеклалтын.
- «Элын илышыштыже – идалык» («Год в жизни страны») – Российыште увертарыме Педагогын да наставникын идалыкышт кышкарыште преподаватель-влак нерген материал.
- «Журналистике. У еҥ-влак» («Журналистика. Новые лица») – журналистике школышто тунемше, вуз-влакын профильный факультетыштышт шинчымашым погышо студент, 15-25 ияш самырык журналист-шамычын материалышт.
Конкурсын йодмашыже-влак дене радамынрак Федераций Советын http://council.gov.ru/events/smi/konkyrs/ сайтыштыже палыме лияш йӧн уло.
М.ИВАНОВА
