Республикысе Марий тӱвыра рӱдер пеленысе «Сото вий» ансамбль «Святой Русьын йӱлаже-влак» православный тӱвыра да калык сымыктыш фестивальыште усталыкшым ончыктен да лауреат лийын.
Орёл олаште эртыше тӱнямбал фестиваль тений Кугу Сеҥымашлан 80 ий теммылан пӧлеклалтын. Тушко уло Россий гыч 30 наре усталык коллектив миен. Марий ансамбльын участникше-влак шым мурым йоҥгалтареныт да лауреат лӱм ден кубокым сеҥен налыныт.
Снимкыште: «Сото вий» коллектив.
Фотом рӱдерын воткыл лаштыкше гыч налме.
