Звенигово районысо Какшамарий ял шотан илемыште 2023 ийыште канде тул чӱкталтеш.
Кызыт тиде кундемыште илыше калык газификацийлан ямдылалтеш. Канде тулым тудо шукертсек, поснак пытартыш индеш ий, изин-кугун вуча да шушаш жапыште, 2023 ийыште, содыки вучен шукта.
Ӱмаште Какшамарий ял шотан илемыште газым шеледыме станцийым чоҥаш тӱҥалме. Тудыжо кундемысе ныл яллан, кок посёлкылан да ик селалан веле огыл, тыгак Чуваш Республикын Юл вес вел ужашыжланат канде тул дене пайдаланаш йӧным ышта.
Икманаш, кызыт тӱжем утла пӧртыштӧ илыше 1600 утла еҥ
газым пурташ ямдылалтеш. Шукынжо пӧрт пелен лӱмынак котельныйым чоҥат.
М.ИВАНОВА
